Як оголосив Святішый Престол на своїм офіціалнім вебсайті, в середу 8-го мая Папа римскый Франціск призначів нового єпіскопа-ордінарія Мукачовской ґрекокатолицькой єпархії. Став ним отець Теодор Мацапула, дотеперішній сінкел в справах монашества Мукачовской ґрекокатолицькой єпархії, іґумен чернечого общества блаженого Теодора Ромжы Інштітуту Воплоченого Слова в Дубовім, Тячовского району. Владыка Ніл Лущак, дотеперішній апостольскый адміністратор єпархії, зіставать помічным єпіскопом. Владыка-номінант Теодор Мацапула народив ся 21-го авґуста 1981-го року в Крилосі, Івано-Франківской области. Од 2013-го року служыть в Мукачовскій ґрекокатолицькій єпархії.

(Медвідь)