Югоморавскы цолницї заставили у четверь на далнїцї Д2 каміон з навесом, в котрім наслїдно обявили 48 міґрантів. Інформовала о тім аґентура AFP з одкликанём ся на чеську поліцію. ,,Цолницї обявили в накладнім автї при контролї накладу рентґеном людей,“ повів про AFP говорця бырнянской поліції Богуміл Малашек. Міґранты – 47 мужів і єдна жена- ся подля властных слов пробовали достати до Нїмецька і Голандії, продовжовав Малашек і додав, же не выказовали сімптомы здравотных проблемів. Міґранты  будуть по ідентіфікації мочі пожадати о азіл в Чехії, або їх може поліція вернути до країны, з котрой до Чехії пришли.

(TASR, Шутіова)