Італійска влада в понедільок оголосила, же 29-го марца одбуде ся референдум о конштітучній реформі, котра має зредуковати кількость членів обидвох комор парламенту. Інформовала о тім аґентура DPA. Реформов чісло членів нижньой коморы зменшыть ся із сучасных 630 на 400. Вышня комора бы по новому не мала 315, а лем 200 членів. Редукцію членів просадив протисістемовый Рух пятьох звізд, котрый є членом влады. Реформу підпорила і центрістічнолівіцьова Демократічна партія, котра в авґусті 2019-го року вытоврила владу з Рухом пятьох звізд.

(Медвідь, TASR)