Україньскый презідент Володимір Зеленьскый в понедільок повів, же спосеред російскых представителів є охотный стрітити ся і їднати о закінчіню войны на Україні лем з російскым презідентом Владиміром Путіном. Інформацію принесла аґентура Reuters. Зеленьскый почас прояву на саміті Світового економічного форуму в Давосі повів, же зорґанізованя будьякых їднань з Російов є штораз складніше в повязаню з доказами о тім, што російскы вояци роблять почас окупації проти україньскых цівілістів. Подля Зеленьского о вшыткім вырішує Путін, і кедь ся має бісідовати о закінчіню войны, та без рішіня російского презідента то не мож прияти.

(Медвідь, TASR)