Україна голосила днесь рано новый розсяглий ракетовый атак Росії. В многых містах было чути выбухы, подля урядів з прічіны зострільованя ракет сістемом протівоздушной обороны. Пресаґентура TASR інформації перевзяла од аґентур Reuters, AFP і AP. Порадця україньского презідента Олексій Арестович на соціалній сіті написав, же на теріторії країны было спрямувано в пару вовнах высше 100 стріл. Експлозії было подля справодайцю аґентуры Reuters і містьстных медії чути в Києві і в містах Житомир і Одеса. В Одеській і Днепопетровській області ознамили перерушіня додавок електрины, котрого цільом є мінімалізувати можны шкоды на енерґетічній інфраштруктурі в сітуації, кедь бы ю засягли ракеты.  (TASR, Pkf)