Днесь в просторах братіславского готела Борік проходить 29-те засіданя Выбору про народностны меншыны і етнічны ґрупы, котре скликав його председа Ласло Буковскый, уповномоченый Урядом влады Словацькой републікы про народностны меншыны. Проґрам засіданя творять такы темы, як інформації о Пятій справі о імплементації Европской харты реґіоналных або меншыновых языків, діятельство народностных музеїв за минулый рік, робота Фонду на підпору културы народностных меншын, Акчный план на охрану прав особ, котры належать до народностных меншын, але і приправа методікы на зрахованя людей, котре нас чекать в 2021-ім році. Русиньску народностну меншыну на споминанім выборі заступляють Петро Медвідь і Мілан Піліп.
(А. Кузмякова)