Председа австрійскых людовців Себастіан Курц, котрый є повіреный їднанями о вытворіню новой влады, інформовав у понедільок презідента Александра Фан дер Беллена о стані розговорів, котры веде з далшыма субєктами. Ани по годиновій бісіді з презідентом Курц не хотів новинарям повісти, з кым хоче вытворити нову владу. Повів лем, же хоче нейблизшый час схосновати на проглубліня їднань із різныма партнерами, як і на внутрішньопартійны конзултації. Правдоподобно будучій канцеларь Курц не быв конкретнішый ани в реакції на доповнюючі вопросы журналістів. Індіції назначують, же австрійскы людовці якбач приготовлюють владну коаліції з радікалнов Свободнов партійов Австрії, котра є знама своїма острыма позіціями проти іміґрантів ці ісламу.
(Петро Медвідь)