Місто Меджілабірці буде в роцї 2022 господарити з розрахунком у вышцї 9,5 міліона евр. Як про TASR выразив пріматор Владїслав Вішнёвскый по четверёвім засїданю містьского заступітельства, котре розрахунок на будучій рік схвалило, окрем забезпечіня рядного ходу вшыткых областей жывота жытелїв хоче самосправа на будучій рік передовшыткым зачати з перекрытём ледовой плохы. ,,За найважнїше поважую асі перекрытя ледовой плохы. Уж маме даякы пінязї накумулованы з высшого теріторіалного цїлку плус свої жрідла. Хочеме поскладати фінанції так, жебы в роках 2022 і 2023 была ледова плоха перекрыта,“ повів пріматор.

(TASR, Шутіова)