В Пасмі Ґазы ся появлюють позітівны сіґналы в подобі звекшеной кількости каміонів і додавок гуманітарной помочі, но Европска унія очекує далшы зліпшіня. В понедільок то повіла шефка унійной діпломації Кая Калласова. Унія і Ізраіль минувшый тыждень добісідовали ся на зліпшіню гуманітарной сітуації в Пасмі Ґазы. Договор рахує із звекшіньом чісла каміонів із помочов, отворіньом гранічных переходів, сприступніньом гуманітарных трас і реконштрукційов інфраштруткуры. Калласова повіла, же і кедь ся ку людям в Ґазі дістане теперь веце помочі, не старчіть то і Унія мусить тискати на то, жебы ся тото, на чім ся доїднала з Ізраільом, реалізовало і на місці.

(Медвідь, TASR)