Австральскы озброєны силы прияли за минулый рік під час вербованя веце як 7000 новых вояків. Тото є найвысше чісло за послідніх 15 років. Представителі влады наріст приписують ціленыма рекламами на соціалных сітях, включно з TikTokom і в інтернетовых грах. Інформовала о тім аґентура DPA. Міністер обраны Матт Кеох про телевізну станцію ABC повів, же на вербованя выужыли „розумнішы“ діґіталны компанї, як суть наприклад рекламы цілены на певны віковы ґрупы. Замірьом было представити шыроку шкалу карєрных можностей в армаді. Влада вчера окрім іншого увела, же чісло заяв ся звышыло меджірічно о 28 процент на пятирічне максімум на веце як 75.000. Середній вік новых реґрутів быв 23 років (TASR, Пкф)