Україньскый презідент Володимір Зеленьскый в середу навщівить Турцію, жебы спробовав „ожывити“ мірны переговоры, інформовав у віторок на соціалных сітях. Пріорітов Україны є подля нього зробити вшытко про закінчіня войны. За словами україньского презідента ся приготовлюють на ожывліня переговорів, і зробили рішіня, котры запропонують партнерам. Турція тот рік гостила три кола прямых переговорів меджі Українов і Російов. Тоты переговоры подля станіці BBC не принесли жадны переломны крокы. Стороны ся властно доїднали лем на выміні полоненых, што ся наслідно зреалізовало.

(Медвідь, TASR)