Председа парламенту Ріхард Раші прияв у четверь на Братіславскім градї презідентку Молдавской републікы Маіу Сандуову. Інформовав о тім на соціалній сїтї. ,,Говорили сьме о европскій пути Молдавії, котру Словакія єднозначно підпорує, і о кооперації меджі нашыма парламентами і економіками. Важнов темов была і енерґія, Молдавія днесь челить важній крізі по выпадку додавок електрины, Словакія зась рїшыть дослїдкы заставлїня додавок через роповод Дружба,” сконштатовав Раші. З молдавсков презідентков ся згодли, же без рішіня конфліктів на Українї ці Близкім выходї будуть тоты вызвы штораз тяжшы про обидви державы і цїлый реґіон. Зарівно повказав і на словацько-молдавске бізніс форум, котре ся одбывать в Братїславі. ,,Говорили сьме і о моїй пути до Молдавії, де бы ся в кооперації меджі подникателями продовжовало,” додав.

(TASR, Шутіова)