Посланці Народной рады СР зачали 13-ый день їднаня 40. засіданя парламенту діскусійов к пропозиції новелі закона о штатній службі. Коалічны посланці предложыли к новелі позмінюючу пропозицію, котра мать забезпечіти посилніня компетенцій міністра внутра при змінах на ведучіх позиціях в  Поліцайнім зборі (PZ). Опозичны посланці пропозицію крітізують. В плені твердили, же коаліція діє в розпорі з властным проґрамовым выголошіньом, в котрім ся завязували к одполітізуваню штатной справы і к транспарентності при обсаджуваню споминанх місць. (TASR, Pkf)