З нагоды 33-ой річніці приятя Конштітуції Словацькой републікы привітав у понедільок председа Народной рады СР Ріхард Раші на святочнім обіді бывшых шефів парламенту. Єдночасно стрітив ся і з бывшыма посланцями Словацькой народной рады, котры были при приниманю Конштітуції. Позваня на святочный обід на Братіславскім граді прияли Рудолф Шустер, Іван Ґашпаровіч, Бела Буґар і Павол Грушовскый. Пришов і презідент Петер Пеллеґріні, котрый так само быв на посаді председы Народной рады. З посланцями, котры были при приниманю Конштітуції, стрітив ся Раші в історічній будові Народной рады.

(Медвідь, TASR)