Першый різдвяный день, Рождество Ісуса Хріста, славили вчера на Словакії православны віруючі. Свято досягло свій верх дополудняйшов славностнов літурґійов і в православнім Храмі Заштіты Пресвятой Богородичкы у Вранові над Топльов. Як про Пресову аґентуру  Словацькой републикы  повів містный духовный справца православной церквы  Мірослав Гуменскый,“ Днешня свята літурґія, котра є тым завершеньом того чеканя і процесу під час 40-дньового рождественного пісту, котрый сме дотримували, і, правдаже, по тім духовнім і тілеснім очіщувані приходить велика радість в подобі народжіня Спасітеля. А, правдаже, конец кінців беручі і то, же кінчить 40-дньовый рождественный піст, то значіть і віруючім є дозволене їсти їдло єднак молочне і єднак і выробкы з мяса.“ Православна церква ся притримує юліянского календаря, котрый є против ґреґоріянскому календарю онескореный о 13 днів.

(Петро Кімак-Фейко)