x

Новы русиньскы книжкы

00

Як є вже звыком по каждім закінченім році науковых семінарів Studium Carpato-Ruthenorum, котрых орґанізатором є Інштітут русиньского языка і културы Пряшівской універзіты в Пряшові, в тых днях вышов далшый із серії зборників, в котрых суть чітателям ку діспозіції тексты з окремых семінарів, котры одбыли ся в попереднім 2017-ім році. Публікація Studium Carpato-Ruthenorum 2017 / Штудії з карпаторусиністікы 9 была выдана Выдавництвом Пряшівской універзіты і обсягує шість текстів, котры одзвучали в рамках семінарів минулого року плус додаткову штудію Валерія Падяка і професіонлны біоґрафії авторів статей. Далшов новостьов в русиньскій бібліотеці є учебник конверзації під назвов Бісїдуєте по русиньскы? В авторстві Кветославы Копоровой, Анны Плішковой і Евы Едді. Учебник обсягує діалоґы в русиньскім, словацькім і анґліцькім языку, жебы го могли хосновати як загранічны штуденты, котры беруть шторік участь на Меджінародній літній школі русиньского языка, але і домашні Русины зо Словакії, котры свою освіту здобывають в словацькім языку.
(Медвідь)

Прочітайте собі / Pročitajte sobi