Україньскый презідент Володимир Зеленськый в понеділок жадав од западу додавкы тяжкой зброї і подяковав ся Споєному кральовству, котре в суботу приобіцяло доданя танків Challenger 2. Пресаґентура TASR справу перевзяла з аґентуры DPA. Зеленськый подля своїх слов очікує дальшу додавку зброї  у звязку зо Світовым економічным фором (WEF) у швайчарьскім Давосі. В понеділок на теріторії WEF о то жадала і україньска делеґація веджена першов дамов Оленов Зеленськов. (TASR, Pkf)