Десятьтісячі хасідскых Жыдів ся зыйшло в неділю в україньскім місті Умань на своїй каждорочноій путі, і то наперек тому, же уряды їх жадали, абы драгу з причіны пробігаючой войны того року выпустили. Пресаґентура TASR справу перевзяла од пресовой аґентуры AFP. Каждый рік приходжають до Умані хасідскы жыдовськы путници з цілого світа, абы на Рош га-шана – жыдовскый Новый рік – навщівили гробку єдной з главных постать хасідского юдаізму, україньского рабіна Нахмана з Брацлавы. Нахман, основатель ултраортодохного жыдовского руху, вмер в місті Умань в року 1810. Приобіцяв, же “віруючіх захранить перед пеклом“, як на Рош га-шана прийдуть навщівити його гріб. (TASR, Pkf)