Схоснованя такзваной репарачной пожычкы про Україну, фінанцованой із замороженых російскых актів, бы подля шефкы унійной діпломації Каї Каллас посилнило позіцію Европы односно Москвы. Повіла то в понедільок на засіданю міністрів обороны членьскых держав Европской унії, інформує аґентура AFP. В повязаню із продовжуючіма інтензівныма переговорами о закінчіню російской войны проти Україны Каллас повіла, же задачов Унії є „підпорити жертву, нє нагородити аґресора“. Подля їй слов намагы о мір вітають вшыткы із вынятком Росії. Каллас припомянула, же Унія мусить урґентно рішыти фінанчны потребы Україны і додала, же децембровый саміт Европской рады буде в тім ділі „ключовым“.

(Медвідь, TASR)