Спраный суд в Рімі вырішыв, же шыфа іспаньской гуманітарной орґанізації Proactiva Open Arms зо 147 міґрантами на палубі може вплавати до італійскых територіалных вод з причины біды на єй палубі. Інформувала о тім аґентура ANSA. Шыфа Open Arms была в області Середньоземного моря скоро два тыждні. Суд при вырішывані брав до увагы погляды одборників з области медіціны і псіхолоґії. Італійске міністерство внутра увело, же ся против вердікту суду одкличе, написала аґентура AP. (TASR, Пкф)