Сітуація в Чехії у звязку з коронавірусом є днесь єдна з найгоршых на світі
00
Чеськый міністер здравотницьтва Роман Прімула у вівторковім выступліню апеловав на обывателів, абы йому помогли справити ся з епідемійов коронавірусу, котра ся в Чехії нерозвивать позітівно. Через телевізны екраны попросив людей, абы вірили владным опатріням і дотримували їх, протоже без того ,,інфекцію непереможеме“. Додав, же ,,нас чекають насправды три тяжкы і невеселы тыждні“. Сітуація в Чехії є днесь єдна з найгоршых на світі. Од середы 13-го октобра до 3-го новембра ся в Чехії запруть рештаврації, вштыткы ступіні школ окрім матерьскых, огранічать ся мітінґы людей на махімалні шість особ. Заказаны суть вольночасовы актівіты як театер, кіна, музеа, але і шпортовіска. (TASR, Pkf)
-
Назад / Nazad Голандія хоче леґалізувати евтаназію невылічітельных хорых дітей
-
Далше / Dalše Европскы штаты наголосили за мінулый тыждень выше 700.000 новых припадів інфікації коронавірусом