Міністры загранічных діл країн Европской унії в понедільок досягли політічный договор о актівації пятого паклика санкцій односно Білоросії. Пресаґентуру LETA о тім інформовав латвійскый міністер загранічных діл Едґар Рінкевічс, котрый в Бруселі брав участь на засіданю Рады Европской унії про загранічны діла. Як додав, затля з технічных причін не мож дати подробнішы інформації о санкціях. Подля його слов є в плані, же пятый паклик санкцій буде дотуляти ся білоруськых представителів і компаній, включно авіа компаній, котры беруть участь на орґанізації транспорту міґрантів з Близкого выходу до Білоросії. Близшы інформації будуть подля Рінкевічса публікованы в найблизшых днях.

(Медвідь, TASR)