Новела закона о вступі лїків до сістемы уград з верейного здравотного поіщіня, яка платить од януара того рока принесла подля Міністерства здравотніцьтва СР про пацієнтів веце оріґіналных і ґенеріцкых лїків. Од януара так было катеґорізованых коло 40 онколоґічных лїків, чім ся лїчіня стало доступнїше. Того року прібыло до списку коло 130 новых лїків як оріґіналів так і ґенерік. В списку катеґорізованых лїків є к децембру 2018 веце як 4300 молекул. Заміром Міністерства здравотніцьтва є подля ёго говоркынї Зузаны Еліашовой, жебы пацієнты мали приступ к іноватівным лїкам а жебы тоты лїкы мали к діспозіції на основі катеґорізачного процесу, не через выняткы, котры одобрює поіщовня.
(TASR, Цітрякова)