Міністер школства Петер Плавчан кінчить у функції. Інформував отім днесь премєр словенской влады Роберт Фіцо, котрый авізував, же пожадать шефа Словенской народной партії Андрея Данку о імя нового міністра. Як далі увів премєр, нияка з політичных партій владной коаліції, ани Смер, ани Словенска народна партія, ани Мост-Гід собі неможе дозволити такымто способом газардувати с довіров обывателів.
(Петро Кімак-Фейко)