Проблем двоякой якости потравин ці іншых выробків, як суть наприклад порошкы на райбаня, зачинать на основі премєра Роберта Фіца переростати до великого меджінароднього шкандалу. “Неможеме решпектовати, абы такым способом ся заобходило с обывателями Словацькой републикы“ підчеркнув Фіцо на вчерайшій прес-конференції в Братіславі. О даній темі двоякой якости потравин говорив словацькый премєр і днесь на стрічі держав Вышеградской штиркы в Мадярску.
(Петро Кімак-Фейко)