Памяткова зона центра Бардейова ожыє од четверга 24-го авґуста до неділі 27-го авґуста рухом ярмарку – обходників, ремеселників і културов. В місті ся одбуде традічный 666-ый історічный і 46-ый новодобый річник Бардейовского ярмарку. Місто очекує веце як 500 торговників, а його центрі выникне і улічка ремесел про майстрів людовой творчости. Хоць святочне отворіня Бардейовского ярмарку радніця наплановала на четверь о 16-ій годині, ярмарковый тыждень зачав уж понедільов меджінароднов научнов конференційов о проблематіці містьскых памятковых центрів. В просторах Польско-словеньского дому одкрыють выставу найкрасшой овоціны і зеленины домашніх загородкарів. І в тім році буде в суботу 26-го авґуста ходити з Кошыць до Бардейова на ярмарок і назад носталґічный влак дітьской желізніці. Почас ярмарку будуть навщівників забавляти многы домашні і загранічны співацькы ґрупы і колектівы.
(Петро Кімак-Фейко)