Сельскый уряд в Чертіжнім і обчаньске здружіня Колысочка вас позывають на споминкову славность і одкрытя памятной таблы Адолфови Добряньскому, котра ся одбуде 8. юла того року в Чертіжнім. Сучастьов даной події буде і панахіда за Адолфа Добряньского на сельскім цінтері зо зачатком о 15-ій годині, ці културный проґрам з початком о 16-ій годині, в котрім выступлять окрім іншого Лабірьскы бетяре, фольклорна ґрупа Волянка, Анна Сервіцька, народна ґрупа Дрібна з Пряшова.