Найменше 90 людей загынуло причинов поводни і зосувів землі в Непалі, котрый в минулый тыждень засягли прудкы дощі. Інформувало о тім локалне міністерство внутра с тым, же в перебігу найбівшой погромы того другу за минулых десять років было зніченых бівше як 2800 домів. Пропавшых є фурт 38 людей, 25 дальшых є пораненых і зніченых є бівше як 3000 части інфраштруктуры, як суть мосты і телекомунікачны веж. Влада увела, же каждому обывательові пошкодженому катастрофов дасть компезацію у вышкі 1660 евр. Наслідкы погромы ліквідує 26 тісяч рятовників.
(Петро Кімак-Фейко)