Підпредседа парламенту і шеф SNS Андрей Данко кличе по твердій зміні порядку засіданя Народной рады. Повів то на понедільковій пресконференції. За його словами Петер Пеллеґріні не звладать ряджіня парламенту, а не хоче реформовати порядок засіданя так, як то зробив Данко в році 2016. За словами Данка іде о алібізм. Шеф націоналістів єдночасно не є згодный з додаточныма управами пропонованой новелы Карного закона. Преферує, жебы была леґіслатіва схвалена у верзії, котру влони схвалила влада. Депутаты о новелі Карного закона їднають в скороченім леґіслатівнім процесі. Минувшый тыждень была посунута до другого чітаня. Розправа ку пропозіції тримала три тыждні, кедьже опозіція у великім чіслі голосила ся до діскусії.

(Медвідь, TASR)