Од 1-ого юла 2018 про новых жадателів збівшыть максімална давка в незаместнаности о веце як 40 евр за місяць. При 31 – дньовім календарнім місяці уж буде єй максімална вышка представляти 972,30 евр. Дотеперь было 925,50 евр і в 30-дньовім календарнім місяці ся давка збівшыть на 941 евр, дотеперь было 899,60 евр. Як інформовав пресову аґентуру ТАСР Петер Вішвадер, говорця Соціалной поіщовні, звышіня максімалной вышкы давкы в незаместнаности є повязане із звышіньом максімалного денного выміряного закладу, котрый выходить з общого выміряного закладу за рік 2017. Тот є фурт 12 – кратный середнього місячного заробку в господарстві Словацькой републікы за тот-котрый календарный рік, котрый досліджує Штатістічный уряд СР.
(TASR)