Найвысшы уставны діятелі Словакії вызывають вшыткых на участь у вольбах до ЕП
Зволена презідентка СР Зузана Чапутова вызывать людей, абы ішлі в суботу 25. мая волити у вольбах до Европского парламенту. „На выхыленя Словакії з европской осы стачіть мало, абы сьме в суботу остали дома. З той причины подьме волити Европу. Я піду,„ написала на соціалній сіті. На участь у вольбах вызывають і троє найвысшы уставны діятелі презідент СР Андрей Кіска, председа Народной рады СР Андрей Данко і премьєр Петер Пелеґріні. Подобно як Чапутова говорили о потребі волити зодповідні в ужыток силной і просперуючой Европы. Вольбы до европарламенту будуть на Словакії 25. мая, жытелі будуть волити 14 европосланців. Право голосуваня мають словацькы жытелі з тырвалым перебываням на Словакії, але і жытелі іншого членьского штату, котры мають на Словакії тырвале перебываня. Посланці европарламенту суть волены на пятьрічный волебный період. (TASR, Пкф)
-
Назад / Nazad Была підписана декларація о сполочнім поступі при быдованю высокоріхлостной желізной дорогы меджі Будапещов, Братіславов, Прагов і Варшавов
-
Далше / Dalše Засідала Рада польногосподарьскых і потравинарьскых самосправ Словакії