Білый дом “уробить вшытко прото“, абы на найблизшім сумміті країн  G20 в Індонезії недошло к стрічі меджі америцькым презідентом Йоеном Біденом і шефом Кремля Владіміром Путіном. Вчера то увів денник The Guardian, informuje пресаґентура TASR. Америцькы представителі будуть снажыти ся і о то, абы Біден з Путіном в Ідонезії ани нагодов нестрітли ся, наприклад на ходбах на місці одбываня сумміту або при сполочнім фотоґрафуваню. Стріча лідрів ґрупы найвекшых економік світа G20 ся одбуде 15-го аж 16-го новембра на індонезскім острові Балі. Біден минулый тыждень про телевізію CNN повів, же ся на Балі з Путіном непланує стрітнути. (TASR, Pkf)