Североатлантічна аліанція означіла безпечностну сітуацію в Афґаністані за складну і вызвала мілітантів з руху Талібан, жебы закінчіли воєньску офензіву, в рамках котрой вже овладли великы теріторії. Талібан в попередніх днях здобыв шість провінчных столиць. Было то в рамках офензівы, котру спустив по тім, як ся в маї з Афґаністану офіціално зачали стяговати загранічны вояци. Стягнутя загранічных сил з Афґаністану має быти докінчене кінцьом того місяця, перед 20-ов річніцьов атак на Споєны штаты з 11-го септембра 2001-го року, котры выкликали інвазію, яка вела ку зосаджіню влады Талібану в Афґаністані.

(Медвідь, TASR)