Польска влада планує зачати з ходом дочасного польного шпиталю на Народнім штадійоні у Варшаві. Причінов даного замірю є наростаюче чісло припадів інфікації новым коронавірусом і перетяжіня здравотницького сістему. Ознамив то днесь говорця влады Піотр Муллер, котрого з одкликаням ся на містны медія цітовала пресова аґентура Reuters. Говорця конкретізував, же конференчны просторы штадійона будуть трансформуваны на шпиталь зо скоро 500 постелями про пацєнтів зо захворіньом на COVID-19, з можностьов розшыріня капаціты на 1000 постелі. Першы з них бы мали быти к діспозиції уж тот тыждень. (TASR, Pkf)