Веджіня Будапешті не підтримує зряджіня будепештаньского кампусу кітайской Універзіты Фу-тан. В понедільок то повів опозічный староста Будапешті Ґерґель Корачонь, котрый ся так подля властных слов выразив на основі інформацій здобытых на їднаню з міністром про іновації і технолоґії Ласлом Палковічом. Корачонь подля аґентуры MTI повів, же влада хоче з публічных джерел выбудовати кітайску елітну універзіту на теріторії планованого штудентьского містечка, і то з капацітов 800 штудентів, чім бы ся подля нього вытворило барз густе оточіня. Подля старосты по тім, як влада Орбана „выгнала“ з Будапешті Середньоевропску універзіту, теперь тяжко вірити, же бы владный кабінет вітав будьяку світову універзіту.

(Медвідь, TASR)