Іраньскы Револучны ґарды днесь выголосили, же о кінцю войны на Близкым выході вырішать самы. Реаґовали тым на слова америцького презідента Доналда Трампа, котрый твердив, же конфлікт уж скоро закінчіть ся, пише аґентура AFP. „То на нас, жебы сьме вырішыли о кінцю войны,“ інформовали ґарды у выголошіню. Подля выголошіня ґард рівновага і будуче упорядкованя реґіону суть в руках іраньскых озброєных сил і америцькы силы войну не закінчать. Презідент США в понедільок выголосив, же „іраньска война штохвіля скінчіть,“ без того, жебы встановив конкретный термін. Подля його слов операції США і Ізраіля досягують свої цілі. Говорця ґард дементовав тоты высловы, і означів їх за пробу звладнути домашній і реґіоналный тиск.

(Медвідь, TASR)