Австрія бы подля міністра роботы Яна Ріхтера на Словаках дякуючі низшым давкам на дїти ушпорила веце як третину. Дотеперь Австрія платила давкы на дїти Словакам, котры там роблять у вышцї цїлково 63 міліонів евр, по новім бы то мало быти дашто выше 40 міліонів. Цїлково бы Австрія на низшых давках на дїти жыючі за граніцями державы, могла ушпорити коло 112 міліонів евр. Словакія довєдна з далшыма країнами V4 проти тій пропозіції протестує. Подля Ріхтера мусить платити прінціп єднакого оцїніня за єднаку роботу, зато бы Словаци, котры роблять у Австрії і платять єднакы одводы як домашнї, мали мати єднакы бенефіты. Закон о знижіню давок в Австрії бы мав вступити до платности од будучого рока.
(TASR, Цітрякова)