Папа римскый Франциск выступив в суботу у Ватікані з проявом о Европі, в котрім апеловав на політічный діалоґ і одсудив рішіня екстремістів і популістів. Інфромовала о тім аґентура Associated Press. Папа ся приговорив в рамках міджінародного конґресу Комісії єпіскопскых конференцій Европской комуніты. Політіка бы подля головы Католицькой церькви мала быти простором про діалоґ, но намісто того стає ся місцьом конфронтацій змагаючіх ся сил і протиходных пожадавок. Хрістіанів Франциск вызвав, жебы дали вклад до обновліня політічного діалоґу в Европі. Так само апеловав, жебы ся Европа не заперала перед міґраційов, но припустив, же то мусить быти реґуловане в інтересі ґарантованя цілковой інтеґрації міґрантів і безпечности.
(Петро Медвідь)