Завтрашня пятниця є Чорнов пятницьов
Завтрашня пятниця, як послідня новемброва пятниця є названа Чорнов пятницьов. Тота традиція ся поважує за помыселный штарт передріздвяной накупной горичкы. Выужывають ю обходны ретязці ці е-шопы на привабліня міліонів заказників по цілім світі а то посередництвом злів. Тота акція ся фурт удомашнює і на Словакії, а то передовшыткым в онлайн накупах. Чорна пятниця є парадоксні і Меджінароднім дньом ненакупованя, то значить снагов о правый опак. Реаліта є така, же з рока на рік спотреба словацькых домашности росте. Обывателі Словакії сі, то значить, завдякы зліпшуючой економічной сітуації, сучасно спонижуючов безробітностьов і росту платів, можуть доволити миняти в обходох бівше. Каждый член словацькой домашньости мине річно в середині 5.131 евр, што є на єдну особу коло 14 евр денні.
(Петро Кімак-Фейко)
-
Назад / Nazad Вчера ся одбыла конференція о модерных трендах в енерґетікі
-
Далше / Dalše Од будучого рока змінить здравотну поіщовню веце як 123 000 людей