Французке Народне згромаждіня вчера у вечірных годинах высловило довіря владі премєра Едуарда Філіпа. Влада, котрой владный проґрам вчера Філіпе в парламенті представив, підпорило 370 з 566 голосуючіх посланців. Владный проґрам 67 посланців одмітнуло підпорити а 129 посланців ся голосовання стримало.

Німецкы безпечностны уряды евідують все вецей радікалных салафістів і поважає дальшы ісламістіцкы атакы за реалны. Діло в тім, же в Німецку од року 2016 є німецкыма урядами слідуване рекордне чісло насилных правіцовых і лявіцовых екстремістів. В посліднім часі чісло салафістів

Савдьскоарабскый краль зрушыв участь на саміті G20 про крізу в Перзькім заливі. На саміт, котрый ся одбуде 7-го – 8-го юла в німецькім Гамбурґу піде намісто нього міністер фінанцій Mугамад aл-Джадан. На саміті ся зыйдуть світовы лідры в тім чіслі

За послідні штири місяці Росія пришла про одлив загранічного капіталу о веце як 1,6 міліарды доларів, што є найвеце од 2013-го року. На причіні є сістематічне охолоджованя контактів меджі Moсквов і Западом на челі Споєных штатів Америкы. (Анна Кузмякова)

Eвропска комісія днесь представить пропозіції на поміч Італії, котра мать проблемы з приходом міґрантів. Таліяны в неділю вызвали, жебы европскы штаты отворили приставы шыфам з міґрантами, котры приходять до Европы через Середньоземне море. (Анна Кузмякова)

Eвропосланці ся знова намагають ожывити ідею єднотного центра свойой інштітуції і завершыти пересельованя з Бруселу до Штрасбурґу. Компензаціов про Французів бы могло быти переселіня Европской аґентуры про лікы з Лондона. (Анна Кузмякова)

Iндія зачала найвекшу даньову реформу од 1947-го року, кедь країна здобыла незалежность. Торг із 1,3 міліардами жытелів буде першыраз єднотно зданьовати товар і службы. (Анна Кузмякова)

Гаварія автобусу з каміоном на німецькій автостраді А9, недалеко чеськых граніць, собі выжадала аж 18 мертвых і 30 раненых. Автобус з людми путуючіма зо Саска до Італії по набуряню зачав горіти. Причіну гаварії досліджує поліція. (Анна Кузмякова)