Выступліня Британії з ЕУ без політичного  договору буде вести до вытворіня режіму „твердой границі“ меджі Ірьсков републиков і британьсков провінційов Северне Ірьско і огрозить проґрам ЕУ заміряный на забезпечіня міру в данім реґіоні. Інформувала о тім Европска комісія. Пресова аґентура ДПА підкреслила, же іде о дотеперь „найсилніше“ варуваня ехекутивы ЕУ в данім предметі. Обавы Бруселу суть повязаны з тым, же неконтрольованый одход Британії з ЕУ, призначеный на 29. марця, буде єдночасно і заником транзітного періоду, котрый мав змірнити першый шок і улекшати звыкнутя людей і компаній на нову ситуацію. Головным спорным пунктом догоды є тзв. ірьска поістка, котра  давать можность зохабити отворену границю меджі Ірьсков републиков і Северным Ірьском. (ТАСР, Кімак)