В понедільок одбыв ся в Києві установлюючій саміт Кримской платформы. Участны прияли сполочну декларацію, в котрій потвердили підпору теріторіалній цілости Україны. Так само одсудили окупацію і мілітарізацію Криму, порушованя людьскых прав і обмеджованя слободы плавбы в реґіоні. Єдночасно вызвали Росію, жебы ся конштруктівно залучіла до актівностей платформы, повнила свої обовязкы окупачных властей односно жытелів Криму, пропустила протиправно затриманых україньскых гражданів і дала необмедженый приступ на тот півостров про позорователів.

(Медвідь, TASR)