Росія вчерайшым дньом, то значіть 22-ым фебруаром, надвязала діпломатічны контакты зо самозваныма проросійскыма републиками на выході Україны – Донецков і Лугансков людовов републиков (DĽR a LĽR). Пише ся то в справі, котру вчера опубліковало російске міністерство заграничных справ. К даному кроку дошло по тім, як російскый презідент Владімір Путін в понеділок узнав незалежність і сувереніту споминаных републик. Належны приказы, як і договор о приятельстві і взаємній помочі з обідвома републиками підписали ся нажыво в телевізнім высыланю. Даны договоры уж меджічасом ратіфіковали обідві коморы російского парламенту, Штатна дума і Рада  федерації. (TASR, Pkf)