Словацька польногосподарьска універзіта в Нїтрї ся приправлює на вступ до конзорція Food, Nutrition and Health Research Infrastructure. Ёго цїлём є вытворїня выскумной інфраштруктуры в области віжівы, потравіновой сістемы і сістемы здравотной старостливости у звязї к спотребителям і здоровю. Закладуючіма штатами суть Даньско, Голандія, Італія, Споєне кралёвство а приступуючіма штатами суть Франція, Шведьско, Норвеґія, Фінландія, Словакія і Словенія. Нїтряньска СПУ зробила першы крокы на репрезентацію Словакії в конзорцію уже в роцї 2016 підписанём меморанда о заложіню платформы АґроБіоФоод вєдно з Народным польногосподарьскым і потравінарьскым центром і здружінём Біоекономі Кластыр.
(Зденка Цітрякова)