Членове Уставноправного выбору Народной рады СР од днешнього рана продовжують у выслухованю кандідатів на ґенералного прокуратора. О місце  шефа Ґенералной прокуратуры СР мать інтерес сім кандідатів, трьох  выслухали уж вчера (19.11.). Каждый кандідат мать коло 15 мінут на презентацію концепції ряджіня і дальшого розвоя прокуратуры на Словакії. Так само мать представити прічіны на свою кандідатуру і свої скусености. Наслідні будуть одповідати на вопросы членів выбору, заступців презідентьской канцеларії, як і притомных посланців НР СР. Вольба кандідата на шефа Ґенералной прокуратуры СР в парламенті є напланована на середу 25-го новембра. Ґенералного прокуратора призначує презідент СР. (TASR, Pkf)