Рух OĽaNO пропонує зрушыти закон о докладованю походжіня маєтку і прияти новый, котрый має принести алтернатівный механізм докладованя походжіня приймів і маєтку. Має іти о додаточне зданіня нелеґалных приймів, на основі котрых быв маєток здобытый, і встановліня строгой даньовой санкції. Пропозіції рух передложыв на майове засіданя Народной рады Словацькой републікы. Сучаный закон треба подля руху зрушыти про його недостаткы з боку конштітучности. OĽaNO вказує на то, же сучасный закон мож обыйти будь розділіньом маєтку підозрілого іщі почас докладованя, або схоснованьом незвычайных обходных операцій.

(Медвідь, TASR)