В Старій Любовні уж третій рік будують найвекше блудиско такой сорты в середній Европі. Про людей бы го хотіли отворити о рік вєдно з новов містьсков загородов. Коло рікы Якубянка ся за минулый період подарило зробити половину планованой роботы. Посаджены стромикы в рамках жывого плота, котрый творить заклад лабірінту, уж суть высокы єден метер. Замір блудиска з містьсков загородов схвалили посланці перед двома роками. Блудиско буде покрывати веце як 6 400 квадратных метрів. Його сучастьов будуть пригоды о Чортовій скалі, котры суть споєны з містом і його історійов. (А. Кузмякова)